მეტ რობინსონი

ევროკავშირის დელეგაციამ განაცხადა, რომ დაპატიმრების ფაქტები ”სამწუხაროა”

თბილისი – ევროპის კავშირმა ხუთშაბათს განაცხადა, რომ ოთხი ქართველი მოზარდის დაკავება პრო-რუსულ სეპარატისტულ რეგიონში, სამხრეთ-ოსეთში სამწუხაროა და მათი გათავისუფლება მოითხოვა.

მოზარდები, რომელთა ასაკი 14-დან 17-წლამდეა 4 ნოემბერს დააკავეს. მაშინ სამხრეთ-ოსეთის ხელისუფლებმა განაცხადეს, რომ ისინი ხელყუმბარებითა და სხვა ასაფეთქებელი ნივთიერებებით დე-ფაქტო საზღვრის  არალეგალურად გადაკვეთის გამო დააპატიმრეს.

”ჩვენი აზრით, ეს სამწუხაროა” – განაცხადა ელჩმა ოლაფ სკუგმა, ევროკავშირის პოლიტიკური და უსაფრთხოების კომიტეტის წევრმა საქართველოში ვიზიტის დროს – ”ჩვენ მოვუწოდებთ, რომ დაპატიმრებული ადამიანები რაც შეიძლება სწრაფად გაათავისუფლონ”.

”არსებობს სპეციალური ნორმები, რომლებიც შეიარაღებული კონფლიქტების დროს ბავშვების მიმართ გამოიყენება” – პრეს-კონფერენციაზე განაცხადა შვედმა დიპლომატმა – ”ყველა, ვისაც შეუძლია მსგავს საქმეებზე მოახდინოს გავლენა, ყველაფერი უნდა გააკეთოს მათი სწრაფად გადაწყვეტისთვის”.

ეს კომენტარი გამოეხმაურა იმ განცხადებას, რომელიც ხუთშაბათს ევროკავშირის თავმჯდომარე ქვეყანამ, შვედეთმა გაავრცელა.

გასულ თვეს სამხრეთ-ოსეთსა და აფხაზეთში საზღვრის დარღვევისთვის  25-ზე მეტი ქართველის ხანმოკლე  პატიმრობამ დაძაბა სიტუაცია. უკვე ერთი წელია გასული მას შემდეგ, რაც სამხრეთ-ოსეთი გასული წლის  რუსულ-ქართული ხუთდღიანი ომის ეპიცენტში მოექცა.

თითქმის ყველა, მოზარდების გარდა, სწრაფად გაათავისუფლეს. სამხრეთ-ოსეთმა განაცხადა, რომ მოზარდებთან დაუშვეს წითელი ჯვრის წარმომადგენლები, რომელთა ფოტოებიც  მედიაში გავრცელდა.

რუსეთმა ორივე მეამბოხე რესპუბლიკის დამოუკიდებლობა მას შემდეგ აღიარა, რაც გასულ აგვისტოს სამხრეთ-ოსეთზე  ქართველების შეტევა გაანადგურა, ხოლო უსაფრთხოების რუსულმა ჯარებმა მათ დე-ფაქტო საზღვრებზე პასუხისმგებლობა აიღო.

ევროკავშირის 225 მეთვალყურე აკვირდება მყიფე დაზავებას სამხრეთ-ოსეთისა და აფხაზეთის საზღვრების გასწვრივ, თუმცა ამ ტერიტორიებზე შესვლა ეკრძალება.

სამხრეთ-ოსეთისა და აფხაზეთის წარმომადგენლები ამბობენ, რომ მეთვალყურეებმა თავისი ყურადღება საქართველოს უნდა მიაპყრონ. რუსეთი სააკაშვილის პრო-დასავლურ მთავრობას ხშირად სდებს ბრალს გადაირაღებაში.

რუსულმა საინფორმაციო სააგენტომ ხუთშაბათს სამხრეთ-ოსეთის თავდაცვის მინისტრის იური ტანაევის განცხადება გაავრცელა, სადაც ის ამბობს რომ  საქართველო თავდასხმის სამზადისში სადაზვერვო მიზნებით ფრენებს ახორციელებდა.

”თუ ისინი ამას გააგრძელებენ, სამხრეთ-ოსეთის საჰაერო სივრცეში შემოჭრის წინააღმდეგ ზომებს მივიღებთ” – განაცხადა მან.

ორიგინალი