Anthropic-მა AI სტარტაპ Volta-სთან 10 მილიარდი დოლარის ღირებულების შეთანხმება გააფორმა

Anthropic ბოლო თვეების განმავლობაში აქტიურად აფართოებს თავის ღრუბლოვან პარტნიორობებს. გავრცელებული ინფორმაციით, კომპანიის უახლესი ნაბიჯი ხელოვნური ინტელექტის ღრუბლოვან სტარტაპ Volta-სთან გაფორმებული 10 მილიარდი დოლარის ღირებულების ხელშეკრულებაა.Bloomberg-ის ცნობით, მიმდინარე წელს დაფუძნებული Volta, ჩატბოტ Claude-ის შემქმნელ კომპანიას ექვსი წლის განმავლობაში ღრუბლოვან გამოთვლით სიმძლავრეებს მიაწვდის. ამ გარიგებაში Volta-ს პარტნიორია კრიპტოვალუტის მაინინგის კომპანია Bitdeer, რომელიც მონაცემთა ცენტრის განვითარებაში მიიღებს მონაწილეობას საჭირო გამოთვლითი რესურსების უზრუნველსაყოფად.აღნიშნული ობიექტი ნორვეგიაში განთავსდება და მისი სიმძლავრე 133 მეგავატს მიაღწევს. მონაცემთა ცენტრი აღიჭურვება Nvidia-ს Vera Rubin სისტემებით, რაც ჩიპების მწარმოებლის ყველაზე თანამედროვე AI არქიტექტურას წარმოადგენს. Volta არის Nvidia-ს ღრუბლოვანი პარტნიორების პროგრამის (Cloud Partner program) წევრი — ეს არის AI ღრუბლოვანი პროვაიდერების კონსორციუმი, რომლებიც თავიანთ მონაცემთა ცენტრებში Nvidia-ს გრაფიკულ პროცესორებს (GPU) იყენებენ.მანამდე Volta საუბრობდა გარკვეულ შეთანხმებაზე AI ლაბორატორიასთან, თუმცა კონკრეტულ კომპანიას არ ასახელებდა. Bloomberg-მა ინფორმაცია თავდაპირველად გარიგების დეტალებში ჩახედულ ანონიმურ წყაროებზე დაყრდნობით გაავრცელა. TechCrunch-მა დამატებითი ინფორმაციის მისაღებად Anthropic-ს უკვე მიმართა.Anthropic ბოლო რამდენიმე თვის განმავლობაში აგრესიულად ცდილობს გამოთვლითი სიმძლავრეების გაზრდას, რადგან კომპანია კონკურენტებთან მწვავე ბრძოლაშია ჩართული. კომპანიამ ცოტა ხნის წინ გამოთვლითი რესურსების შესახებ ახალი შეთანხმებები ისეთ გიგანტებთანაც გამოაცხადა, როგორებიც არიან SpaceX და Amazon.