Apple Vision Pro-ს ხელმძღვანელი პოლ მიდი კომპანიას ტოვებს და OpenAI-ში გადადის

Bloomberg-ის ჟურნალისტის, მარკ გურმანის ინფორმაციით, Apple-ის ვიცე-პრეზიდენტი პოლ მიდი, რომელიც Vision Pro-ს ჰედსეტის მიმართულებას ხელმძღვანელობდა, კომპანიას ტოვებს და OpenAI-ის აპარატურული უზრუნველყოფის გუნდს უერთდება. მიდი ასევე კურირებდა ხელოვნური ინტელექტის მხარდაჭერის მქონე ჭკვიანი სათვალეების შემუშავების პროცესს, რომლის ბაზარზე გამოჩენაც მომავალ წელს იგეგმება.ძვირადღირებული Vision Pro-ს გაყიდვები მოლოდინებზე დაბალი აღმოჩნდა, თუმცა Apple იმედოვნებს, რომ უფრო ხელმისაწვდომი ჭკვიანი სათვალეები კომპანიას Meta-სთან კონკურენციაში დაეხმარება. გურმანის შეფასებით, მიდის წასვლა Apple-ის შიდა სტრუქტურულ ცვლილებებს უკავშირდება, კერძოდ კი ჯონ ტერნუსის შესაძლო დაწინაურებას კომპანიის აღმასრულებელ დირექტორად.ტერნუსის გადაწყვეტილებამ, მოეხდინა აპარატურული ინჟინერიის გუნდის რეორგანიზაცია, კომპანიის ზოგიერთ ვიცე-პრეზიდენტში უკმაყოფილება გამოიწვია, რადგან მათ ეს ცვლილებები სტატუსის დაქვეითებად აღიქვეს. OpenAI-სთვის კი ეს მნიშვნელოვანი შენაძენია, რადგან კომპანია უკვე მუშაობს Apple-ის ყოფილ მთავარ დიზაინერთან, ჯონი აივთან ერთად ახალ AI მოწყობილობაზე.OpenAI-ის აღმასრულებელი დირექტორი, სემ ალტმანი აცხადებს, რომ მათი ახალი პროდუქტი iPhone-თან შედარებით უფრო „მშვიდი და წყნარი“ იქნება. მიუხედავად ამისა, გასული წლის შემოდგომაზე გავრცელებული ინფორმაციით, კომპანიას გარკვეული სირთულეები ჰქონდა პროექტის დეტალების სრულყოფასთან დაკავშირებით. TechCrunch-მა კომენტარის მისაღებად Apple-სა და OpenAI-ს უკვე მიმართა.