Cerebras-ის აქციების ფასი 20%-ით დაეცა: კომპანიის განმარტებით ინვესტორებმა მარჟის პროგნოზი არასწორად გაიგეს

ოთხშაბათს Cerebras Systems-ის აქციების ფასი თითქმის 20%-ით დაეცა, მიუხედავად იმისა, რომ კომპანიამ სამშაბათს პირველი კვარტლის მოსალოდნელზე უკეთესი ფინანსური მაჩვენებლები წარადგინა. ეს იყო ხელოვნური ინტელექტის ჩიპების მწარმოებელი კომპანიის პირველი ფინანსური ანგარიში საჯარო ბირჟაზე გასვლის შემდეგ.აქციების ვარდნა გამოიწვია კომპანიის პროგნოზმა ძირითადი ბიზნესის საერთო მარჟის (gross margin) შემცირებასთან დაკავშირებით. Cerebras-ის ვარაუდით, წლის განმავლობაში მარჟა 38%-დან 41%-მდე იქნება, რაც მნიშვნელოვნად ნაკლებია პირველ კვარტალში დაფიქსირებულ 47%-იან მაჩვენებელზე. ოთხშაბათს აქციების ფასმა ახალ მინიმუმს მიაღწია და თითქმის გაუთანაბრდა კომპანიის პირველადი საჯარო შეთავაზების (IPO) ფასს.Cerebras-ის აღმასრულებელმა დირექტორმა, ენდრიუ ფელდმანმა, CNBC-სთან ინტერვიუში განაცხადა, რომ ინვესტორებმა კომპანიის მარჟის პროგნოზი არასწორად გაიგეს. მისი განმარტებით, Cerebras-ს მოუწევს გარკვეული აღჭურვილობის უკან იჯარით აღება ერთ-ერთი უმსხვილესი კლიენტისგან.ფინანსური ანგარიშის წარდგენისას კომპანიამ აღნიშნა, რომ გადაწყვიტა სიმძლავრეების უფრო სწრაფად ათვისება საკუთარი სისტემების დროებითი იჯარით დაბრუნების გზით, სანამ საკუთარი მონაცემთა ცენტრების მშენებლობა და გამართვა დასრულდება. კომპანიის განცხადებით, სწორედ ეს ნაბიჯი გამოიწვევს მიმდინარე წელს მოგების მარჟის შემცირებას.ფინანსური ანგარიშის მიხედვით, კვარტალურმა შემოსავალმა 193 მილიონ დოლარს მიაღწია, რაც წინა წლის ანალოგიურ პერიოდთან შედარებით 94%-ით მეტია. ამასთან, წმინდა ზარალი 14 მილიონ დოლარამდე შემცირდა, მაშინ როცა გასულ წელს ეს მაჩვენებელი 23.9 მილიონ დოლარს შეადგენდა.