Cohere და Aleph Alpha ერთიანდებიან: იქმნება 20 მილიარდ დოლარად შეფასებული „ტრანსატლანტიკური AI გიგანტი“

კანადურმა ხელოვნური ინტელექტის „იუნიკორნმა“ Cohere-მა პარასკევს გერმანულ კომპანია Aleph Alpha-სთან შერწყმის შესახებ გამოაცხადა. Financial Times-ის ინფორმაციით, გარიგება, რომელიც ჯერ კიდევ დასრულების პროცესშია, ახლად შექმნილ კომპანიას 20 მილიარდ დოლარად შეაფასებს.ამავდროულად, Aleph Alpha-ს ერთ-ერთი მთავარი მხარდამჭერი, Schwarz Group, Cohere-ის E სერიის დაფინანსების რაუნდში 600 მილიონი დოლარის ინვესტირებას გეგმავს. CNBC-ის ცნობით, აღნიშნული რაუნდი მიმდინარე წლის ბოლოსთვის დაიხურება.ხელოვნური ინტელექტის კომერციულ ლანდშაფტში ამჟამად სილიკონის ველის რამდენიმე მსხვილი მოთამაშე დომინირებს, თუმცა ბაზარზე კონსოლიდაციის პროცესები აქტიურად მიმდინარეობს. Cohere-ისა და Aleph Alpha-ს გაერთიანების შესახებ გავრცელებულ პრესრელიზში აღნიშნულია, რომ ამ ნაბიჯის ერთ-ერთი მთავარი მიზანი ბიზნესებისა და სამთავრობო სტრუქტურებისთვის ალტერნატივის შეთავაზებაა.ახალი გაერთიანება მომხმარებლებს საკუთარ მონაცემებზე მეტ კონტროლსა და დამოუკიდებლობას ჰპირდება, რაც მათ დომინანტი ტექნოლოგიური გიგანტებისგან გამიჯვნის საშუალებას მისცემს. გარდა ამისა, პროექტი მიზნად ისახავს კანადელი და გერმანელი სპეციალისტების რესურსების გაერთიანებას, რათა შეიქმნას ე.წ. „ტრანსატლანტიკური AI ძალა“.