დიზაინის პლატფორმა Figma-მ ნიუ-იორკის საფონდო ბირჟაზე სავაჭროდ გასვლის პირველივე დღეს მნიშვნელოვან წარმატებას მიაღწია. კომპანიის აქციების ფასი იმდენად სწრაფად გაიზარდა, რომ ბაზრის მაღალი ცვალებადობის გამო ვაჭრობა დროებით შეჩერდა.
Yahoo Finance-ის ინფორმაციით, აქციების ფასი დღის განმავლობაში 101-დან 112 დოლარამდე მერყეობდა, რამაც კომპანიის საბაზრო კაპიტალიზაცია 45 მილიარდ დოლარამდე აიყვანა. საწყისი საჯარო შეთავაზების (IPO) ფასი ერთ აქციაზე 33 დოლარს შეადგენდა.
ინვესტორების მხრიდან ისეთი მაღალი მოთხოვნა დაფიქსირდა, რომ Robinhood-ის პლატფორმაზე მომხმარებლები სოციალურ ქსელებში აქვეყნებდნენ მათი შეკვეთების შესახებ ინფორმაციას. მათი თქმით, ასობით მოთხოვნილი აქციის ნაცვლად, უმეტესობას მხოლოდ თითო აქციის შეძენის საშუალება მიეცა.
Figma-ს წარმატებული IPO აჩვენებს, რომ 2023 წელს Adobe-ის მიერ შეთავაზებული 20 მილიარდიანი შესყიდვის ჩაშლა კომპანიის ისტორიაში უმნიშვნელო ეპიზოდად იქცა.
