OpenAI-ის ახალი ჭკვიანი დინამიკი, სავარაუდოდ, 300-დან 400 დოლარამდე ეღირება

OpenAI-ის იდუმალი აპარატურული მოწყობილობის შესახებ ახალი დეტალები ხდება ცნობილი. მოწყობილობა, რომელიც ადრე ChatGPT-ის „ფიზიკურ გამოვლინებად“ დახასიათდა, ხელოვნური ინტელექტის მქონე ჭკვიანი დინამიკი იქნება.Bloomberg-ის ინფორმაციით, მოწყობილობას „დონატის“ (ფუნთუშის) ფორმა ექნება. ეს დიზაინი მომხმარებლებს საშუალებას მისცემს, ის სახლში მარტივად ატარონ და სხვადასხვა ადგილას, მაგალითად, საწოლთან ან სამზარეულოს დახლზე განათავსონ. მოწყობილობა დამზადებული იქნება მაღალი ხარისხის ლითონისგან, ექნება პრემიუმ ვიზუალი და, წყაროების თანახმად, აღჭურვილი იქნება სპეციფიკური „მოძრავი ნაწილებით“.ახალი მოწყობილობა, შესაძლოა, სტანდარტულ ჭკვიან დინამიკებზე საგრძნობლად ძვირი ეღირება — მისი სავარაუდო ფასი 300-დან 400 დოლარამდე იქნება. შედარებისთვის, Amazon-ის ჭკვიანი სახლის დინამიკების ფასი 40-დან 240 დოლარამდე მერყეობს. OpenAI-ის მიერ სახლის ჭკვიანი მოწყობილობის გამოშვება ლოგიკური ნაბიჯია ChatGPT-ის მომხმარებელთა ყოველდღიურობაში უფრო ღრმად ინტეგრირებისთვის.თუმცა, ისტორიულად, ჭკვიანი დინამიკების ბაზარი ყოველთვის არ ყოფილა მომგებიანი და მასში დამკვიდრება შესაძლოა რთული აღმოჩნდეს. პოტენციურად მაღალი ფასი ამ პროცესს კიდევ უფრო გაართულებს. მოწყობილობა, რომელიც LoveFrom-თან (Apple-ის ყოფილი ცნობილი დიზაინერის, ჯონი აივის მიერ დაარსებული სტუდია) პარტნიორობით მუშავდება, სავარაუდოდ, 2027 წელს გამოვა.კომპანიის მცდელობა, შევიდეს აპარატურის ბაზარზე, გარკვეულ სირთულეებთან არის დაკავშირებული. OpenAI-ს სასამართლოში Apple-ი უპირისპირდება, რომელიც ხელოვნური ინტელექტის ლაბორატორიას სავაჭრო საიდუმლოებების მოპარვაში ადანაშაულებს. OpenAI ბრალდებას უარყოფს.