Y Combinator-ის სტარტაპები დაფინანსების მიღებას სტაბილკოინებში შეძლებენ

Y Combinator (YC) პროგრამაში მიღებულ ყველა სტარტაპს მალე ექნება შესაძლებლობა, საწყისი დაფინანსება (seed checks) სტაბილკოინების სახით მიიღოს. ამის შესახებ YC-ის პარტნიორმა, ნემილ დალამ The Block-თან საუბრისას განაცხადა.Y Combinator-ის ცნობილი „სტანდარტული გარიგება“ ითვალისწინებს 500,000 აშშ დოლარის ინვესტიციას სტარტაპებში, კომპანიის 7%-იანი წილის სანაცვლოდ. მომავალი საგაზაფხულო ნაკადიდან დაწყებული, ეს შეთანხმება ბლოკჩეინ ტექნოლოგიაზე გადადის — კერძოდ, Base, Solana და Ethereum ქსელებზე.ნემილ დალას განმარტებით, სტაბილკოინებით გადარიცხვები ხშირად უფრო ეფექტურია, განსაკუთრებით იმ დამფუძნებლებისთვის, რომლებიც განვითარებად ბაზრებზე ოპერირებენ. ამასთანავე, YC ამ ნაბიჯით პრაქტიკულად ადასტურებს თავის სტრატეგიულ ხედვას და მხარდაჭერას ამ სფეროს მიმართ. გასულ შემოდგომაზე ორგანიზაციამ ითანამშრომლა Base-თან და Coinbase Ventures-თან, რათა წაეხალისებინა დამფუძნებლები ბლოკჩეინთან დაკავშირებული კომპანიების შესაქმნელად.სილიკონის ველზე ბლოკჩეინ ტექნოლოგიების მიმართ ინტერესი კვლავ იზრდება. ამ პროცესს მნიშვნელოვნად უწყობს ხელს აშშ-ის მიერ გადადგმული ნაბიჯები ინდუსტრიის უფრო ფორმალური და კრიპტო-მეგობრული რეგულირების ჩამოსაყალიბებლად.