Anthropic-მა OpenAI-ს Claude-ის მოდელებზე წვდომა შეუზღუდა

ხელოვნური ინტელექტის კომპანია Anthropic-მა OpenAI-ს თავისი Claude-ის AI მოდელებზე წვდომა შეუწყვიტა. ინფორმაციას ამის შესახებ Wired-ი ავრცელებს.\n\nწყაროების ცნობით, OpenAI იყენებდა Claude-ს შიდა ინსტრუმენტებთან დასაკავშირებლად, რაც კომპანიას საშუალებას აძლევდა შეედარებინა Claude-ის შესაძლებლობები საკუთარ მოდელებთან პროგრამირების, წერისა და უსაფრთხოების კატეგორიებში.\n\nAnthropic-ის წარმომადგენლის განცხადებით, OpenAI-ს ტექნიკური გუნდი იყენებდა მათ პროგრამირების ინსტრუმენტებს GPT-5-ის გაშვებამდე, რაც მომსახურების პირობების პირდაპირ დარღვევას წარმოადგენს. კომპანიის კომერციული პირობები კრძალავს Claude-ის გამოყენებას კონკურენტული სერვისების შესაქმნელად.\n\nმიუხედავად ამისა, Anthropic აცხადებს, რომ OpenAI-ს კვლავ ექნება წვდომა ეფექტურობის შედარებისა და უსაფრთხოების შეფასების მიზნებისთვის.\n\nOpenAI-ს წარმომადგენელმა თავის მხრივ განაცხადა, რომ მათი მხრიდან Claude-ის გამოყენება იყო „ინდუსტრიის სტანდარტის შესაბამისი".