Apple Music ხელოვნური ინტელექტის მიერ შექმნილი მუსიკის გამოსავლენად სპეციალურ თეგებს ამატებს

Apple Music ცვლის წესებს, რომელთა მიხედვითაც ხმისჩამწერ ლეიბლებსა და დისტრიბუტორებს პლატფორმაზე ატვირთული ხელოვნური ინტელექტის (AI) მიერ გენერირებული ან მისი დახმარებით შექმნილი კონტენტის მონიშვნა შეეძლებათ. მეტამონაცემები, როგორც წესი, მოიცავს ისეთ ველებს, როგორიცაა სიმღერის სათაური, ალბომის დასახელება, ჟანრი, შემსრულებლის სახელი და სხვა ინფორმაცია, რაც ფაილების ორგანიზებას უწყობს ხელს.

ახალი ცვლილების ფარგლებში, Apple Music ამატებს მეტამონაცემების თეგების გამოყენების შესაძლებლობას. მათი მეშვეობით დისტრიბუტორები მიუთითებენ, თუ სიმღერის რომელ ასპექტში იქნა გამოყენებული ხელოვნური ინტელექტი. აღნიშნული თეგები საშუალებას იძლევა, ერთმანეთისგან გაიმიჯნოს ხელოვნური ინტელექტის მონაწილეობა შემდეგ კომპონენტებში:

• სიმღერის გარეკანი (artwork)
• ჩანაწერი (track/music)
• კომპოზიცია (lyrics)
• მუსიკალური ვიდეო

როგორც ჩანს, Apple Music-ის მომხმარებლებისთვის ეს ფუნქცია მნიშვნელოვანია — სულ რამდენიმე დღის წინ Reddit-ის ერთ-ერთმა მომხმარებელმა მსგავსი კონცეფციის მაკეტიც კი გამოაქვეყნა. თუმცა, მსგავსი ნებაყოფლობითი მარკირების სისტემას თავისი სირთულეებიც ახლავს. მთავარი პრობლემა ისაა, რომ ხელოვნური ინტელექტის გამოყენების მითითება მთლიანად ლეიბლებისა და დისტრიბუტორების კეთილ ნებაზეა დამოკიდებული — მათ ეს არჩევანი მექანიკურად უნდა გააკეთონ.

მსგავს გზას ადგას Spotify-ც. სხვა სტრიმინგ პლატფორმები, მაგალითად Deezer, ცდილობენ კონტენტი შიდა, ხელოვნურ ინტელექტზე დაფუძნებული დეტექციის ხელსაწყოებით შეამოწმონ, თუმცა მაქსიმალურად ზუსტი სისტემების შექმნა კვლავ დიდ გამოწვევად რჩება. TechCrunch-მა დამატებითი ინფორმაციის მისაღებად Apple-ს უკვე მიმართა.