Apple თებერვალში Gemini-ზე დაფუძნებულ Siri-ს წარადგენს

Bloomberg-ის ჟურნალისტის, მარკ გურმანის ინფორმაციით, Apple-ისა და Google-ის ახლახან გამოცხადებული პარტნიორობის პირველი რეალური შედეგები მალე გახდება ცნობილი. Apple გეგმავს, რომ Siri-ს ახალი ვერსია თებერვლის მეორე ნახევარში წარადგინოს.
Google-ის Gemini ხელოვნური ინტელექტის მოდელების გამოყენებით, Siri-ს ეს განახლება პირველი იქნება, რომელიც 2024 წლის ივნისში დადებულ პირობებს შეასრულებს. კერძოდ, ასისტენტს შეეძლება დავალებების შესრულება მომხმარებლის პერსონალურ მონაცემებსა და ეკრანზე არსებულ კონტენტზე წვდომის საშუალებით.
გურმანი ასევე აღნიშნავს, რომ ეს მხოლოდ დასაწყისია უფრო მასშტაბური განახლების წინ, რომელსაც Apple ივნისში, დეველოპერთა მსოფლიო კონფერენციაზე (WWDC) გამოაცხადებს. Siri-ს ეს ვერსია უფრო მეტად იქნება ორიენტირებული დიალოგზე, სხვა ჩატბოტების (მაგალითად, ChatGPT-ის) მსგავსად, და შესაძლოა უშუალოდ Google-ის ღრუბლოვან ინფრასტრუქტურაზე იმუშაოს.
მანამდე გავრცელებული ინფორმაციით, Apple-ს საკუთარი ხელოვნური ინტელექტის სტრატეგიის სწორ რელსებზე დაყენება უჭირდა. გურმანის თქმით, Apple-ის წარმომადგენელმა, მაიკ როკველმა, ზაფხულში გუნდის წევრებსაც კი უთხრა, რომ ერთ-ერთი ადრეული ანგარიში „სისულელე“ (bulls–t) იყო. თუმცა, Google-თან პარტნიორობა და Apple-ის AI მიმართულების ხელმძღვანელის, ჯონ ჯანანდრეას ბოლოდროინდელი წასვლა მიანიშნებს, რომ კომპანიამ საბოლოოდ იპოვა განვითარების ახალი გეზი.