ხელოვნური ინტელექტის სტარტაპი Upscale AI 2 მილიარდ დოლარიან შეფასებაზე მოლაპარაკებებს აწარმოებს

Bloomberg-ის ინფორმაციით, ხელოვნური ინტელექტის ინფრასტრუქტურის კომპანია Upscale AI დაფინანსების მესამე რაუნდის მოსაზიდად მოლაპარაკებებს აწარმოებს. აღსანიშნავია, რომ კომპანიის დაარსებიდან სულ რაღაც შვიდი თვეა გასული.დაფინანსების ახალი რაუნდის ფარგლებში კომპანია 180-დან 200 მილიონ დოლარამდე მოზიდვას გეგმავს, რის შედეგადაც მისი საბაზრო ღირებულება დაახლოებით 2 მილიარდ დოლარს მიაღწევს. Upscale AI-მ იანვარში უკვე მოიზიდა 200 მილიონი დოლარი Series A რაუნდში, ხოლო გასული წლის სექტემბერში, დაარსებისთანავე, 100 მილიონი დოლარის მოცულობის საწყისი (seed) დაფინანსება მიიღო.კომპანიის ინვესტორებს შორის არიან ისეთი მსხვილი მოთამაშეები, როგორიცაა Tiger Global Management, Xora Innovation და Premji Invest. მიუხედავად მაღალი შეფასებისა, Upscale AI-ს ჯერჯერობით არცერთი პროდუქტი არ გამოუშვია. ვრცელდება ინფორმაცია, რომ კომპანია მუშაობს სპეციალიზებული ჩიპების შექმნაზე და იმ ინფრასტრუქტურის განვითარებაზე, რომელიც ამ ჩიპების ეფექტურ კომუნიკაციას უზრუნველყოფს.კომპანიის სტრატეგია ეფუძნება სრულ ციკლზე ორიენტირებულ (full-stack) გადაწყვეტილებებსა და ღია სტანდარტებს, რაც, მათი ხედვით, მასშტაბირებადი AI ინფრასტრუქტურის მომავალია. მსგავსი მოლაპარაკებები და მაღალი შეფასებები დამახასიათებელია თანამედროვე ხელოვნური ინტელექტის ეპოქის სტარტაპებისთვის, სადაც კომპანიები და მათი ღირებულება უპრეცედენტო სისწრაფით იზრდება, თუმცა მოლოდინები „მომავლის დიდ აღმოჩენებთან“ დაკავშირებით ხშირად რეალურ ზრდასაც კი უსწრებს.