OpenAI-მ პრეზენტაციების სტარტაპი NextSlide შეიძინა

OpenAI-მ ახალი სტრატეგიული ნაბიჯი გადადგა და პრეზენტაციების შექმნაზე ორიენტირებული სტარტაპი NextSlide შეიძინა. გავრცელებული ინფორმაციით, სტარტაპის გუნდი უკვე შეუერთდა OpenAI-ს და ამჟამად ChatGPT-ის გაუმჯობესებაზე მუშაობს.NextSlide-ის ვებგვერდზე განთავსებულია დამფუძნებლის, აჰმედ ბეშრის (Ahmed Beshry) მიმართვა, სადაც ის სტარტაპის პროდუქტს აღწერს, როგორც ინსტრუმენტს, რომელსაც „მარტივი მითითებების (prompts), ჩანაწერების, დოკუმენტების ან კვლევების სრულყოფილ და რედაქტირებად პრეზენტაციებად ქცევა შეეძლო“.ბეშრის განცხადებით, მათი საბოლოო მიზანი ვიზუალური კომუნიკაციის უფრო ხელმისაწვდომი გახდება და ადამიანებისთვის საკუთარი იდეების მკაფიოდ გამოხატვაში დახმარება იყო. OpenAI-სთან შეერთებით, გუნდი კვლავ ამავე მისიის ერთგული რჩება: შექმნან ხელოვნურ ინტელექტზე დაფუძნებული პროდუქტები, რომლებიც მომხმარებლებს იდეების გენერირებაში, კომუნიკაციასა და მათ მნიშვნელოვან ნამუშევრებად გარდაქმნაში დაეხმარება.გარიგების ფინანსური პირობები ამ ეტაპზე არ საჯაროვდება. LinkedIn-ზე გამოქვეყნებულ პოსტში ბეშრიმ აღნიშნა, რომ ეს სიახლე „რამდენიმე თვის დაგვიანებით“ ვრცელდება, რადგან უშუალოდ შესყიდვის პროცესი მიმდინარე წლის დასაწყისში დასრულდა.აღსანიშნავია, რომ აჰმედ ბეშრის სტარტაპების მართვის წარმატებული გამოცდილება აქვს. ის მანამდე Caper AI-ს თანადამფუძნებელი იყო — კომპანიის, რომელიც ჭკვიანი ურიკებისა და მოლარის გარეშე ანგარიშსწორების ტექნოლოგიებზე მუშაობდა. Caper AI 2021 წელს Instacart-მა შეიძინა.