SpaceX-მა FCC-ისგან კიდევ 7,500 Starlink-ის თანამგზავრის გაშვების ნებართვა მიიღო

აშშ-ის კომუნიკაციების ფედერალურმა კომისიამ (FCC) პარასკევს გამოაცხადა, რომ კომპანია SpaceX-ს მეორე თაობის კიდევ 7,500 Starlink-ის თანამგზავრის გაშვების უფლება მისცა. ამ გადაწყვეტილებით, კომპანიის მიერ მსოფლიო მასშტაბით ავტორიზებული თანამგზავრების საერთო რაოდენობა 15,000-მდე გაიზარდა.FCC-ის განმარტებით, ეს ნებართვა SpaceX-ს არა მხოლოდ თანამგზავრების რაოდენობის გაზრდისა და მაღალსიჩქარიანი ინტერნეტის დაფარვის ზონის გაფართოების საშუალებას აძლევს, არამედ Starlink-ის სისტემას ხუთ სხვადასხვა სიხშირეზე მუშაობის უფლებასაც რთავს. გარდა ამისა, აღნიშნული გადაწყვეტილება ითვალისწინებს პირდაპირ მობილურ კავშირს (direct-to-cell connectivity) აშშ-ის ფარგლებს გარეთ და დამატებით დაფარვას თავად შეერთებული შტატების ტერიტორიაზე.Reuters-ის ინფორმაციით, SpaceX თავდაპირველად დამატებით 15,000 თანამგზავრის გაშვების ნებართვას ითხოვდა, თუმცა კომისიამ განაცხადა, რომ მეორე თაობის (Gen2) დარჩენილი 14,988 თანამგზავრის ავტორიზაციის საკითხს მოგვიანებით განიხილავს.FCC-ის მიერ დადგენილი პირობების თანახმად, SpaceX ვალდებულია დამტკიცებული თანამგზავრების 50% 2028 წლის 1 დეკემბრამდე გაუშვას, ხოლო დარჩენილი 50% — 2031 წლის დეკემბრისთვის.