Taco Bell-ი ხელოვნური ინტელექტის გამოყენებას გადახედავს

ამერიკული სწრაფი კვების ქსელი Taco Bell-ი ხელოვნური ინტელექტის გამოყენების სტრატეგიას აფასებს. კომპანიამ Drive-Thru 500-ზე მეტ ობიექტში ხმოვანი AI სისტემა დანერგა, თუმცა შედეგები არაერთგვაროვანია.

კომპანიის ციფრული ტექნოლოგიების დირექტორის, დეინ მეთიუსის თქმით, სისტემასთან მუშაობისას თავადაც შერეული გამოცდილება აქვს: „ზოგჯერ იმედს მიცრუებს, ზოგჯერ კი სასიამოვნოდ მაკვირვებს". სოციალურ ქსელებში გავრცელდა ვიდეოები, სადაც მომხმარებლები სისტემის „გვერდის ავლას" ცდილობენ, მაგალითად, 18,000 წყლის ჭიქის შეკვეთით, რათა ადამიან-ოპერატორთან დაკავშირება შეძლონ.

Taco Bell-ი ამჟამად განიხილავს, თუ როგორ უნდა მოხდეს AI-ის ოპტიმალური გამოყენება სხვადასხვა ფრანჩიზში. მეთიუსის განმარტებით, დატვირთულ რესტორნებში, სადაც გრძელი რიგებია, შესაძლოა უფრო ეფექტური იყოს ადამიანი-ოპერატორის გამოყენება.

კომპანია გეგმავს თანამშრომლებისთვის სპეციალური რეკომენდაციების შემუშავებას, თუ როდის და როგორ გამოიყენონ ხელოვნური ინტელექტი კონკრეტულ ლოკაციებზე. „ჩვენი გუნდებისთვის შევიმუშავებთ სახელმძღვანელო პრინციპებს, თუ როდის არის რეკომენდებული AI-ის გამოყენება და როდის არის საჭირო მისი მუშაობის მონიტორინგი და საჭიროების შემთხვევაში ჩარევა," - აღნიშნა მეთიუსმა.