უსაფრთხოება „მკვდარია“ xAI-ში? ილონ მასკი Grok-ის კიდევ უფრო „თავაშვებულ“ მოდელად ქცევას ცდილობს

ილონ მასკი აქტიურად მუშაობს იმისთვის, რომ xAI-ს ჩატბოტი Grok კიდევ უფრო „თავაშვებული“ (unhinged) გახდეს. ამის შესახებ კომპანიის ყოფილმა თანამშრომელმა გამოცემა The Verge-თან საუბრისას განაცხადა, როდესაც მასკის ხელოვნური ინტელექტის კომპანიიდან კადრების ბოლოდროინდელ გადინებაზე საუბრობდა.

მიმდინარე კვირას, მას შემდეგ, რაც ცნობილი გახდა, რომ მასკის SpaceX-ი xAI-ს ყიდულობს (რომელმაც მანამდე სოციალური პლატფორმა X შეიძინა), სულ მცირე 11-მა ინჟინერმა და ორმა თანადამფუძნებელმა კომპანიის დატოვების შესახებ განაცხადა. ზოგიერთი მათგანი წასვლის მიზეზად ახალი პროექტების დაწყებას ასახელებს, თავად მასკი კი მიიჩნევს, რომ ეს პროცესი xAI-ს უფრო ეფექტური რეორგანიზაციის მცდელობის ნაწილია.

თუმცა, ორმა წყარომ, რომლებმაც კომპანია დატოვეს (ერთ-ერთმა მათგანმა მიმდინარე ტალღამდე), The Verge-ს განუცხადა, რომ თანამშრომლებში იმედგაცრუება იზრდება უსაფრთხოების ნორმების უგულებელყოფის გამო. ამ საკითხმა გლობალური ყურადღება მას შემდეგ მიიპყრო, რაც Grok-ის მეშვეობით მილიონზე მეტი სექსუალური ხასიათის გამოსახულება შეიქმნა, მათ შორის რეალური ქალებისა და არასრულწლოვნების ე.წ. „დიპფეიკები“ (deepfakes).

„უსაფრთხოება xAI-ში მკვდარი სტრუქტურაა“, — განაცხადა ერთ-ერთმა წყარომ.

მეორე წყაროს თქმით, მასკი „აქტიურად ცდილობს მოდელი უფრო თავაშვებული გახადოს, რადგან მისთვის უსაფრთხოება, გარკვეულწილად, ცენზურას ნიშნავს“. ყოფილი თანამშრომლები ასევე ჩივიან კომპანიაში მკაფიო მიმართულების არარსებობაზე. ერთ-ერთი მათგანის შეფასებით, xAI კონკურენტებთან შედარებით მუდმივად „დაწევის ფაზაშია“ გაჭედილი.