Valor Equity Partners-ი მეშვიდე ფონდისთვის 2.5 მილიარდი დოლარის მოზიდვას გეგმავს

Valor Equity Partners-ის მეშვიდე ფონდის (Fund VII) შესახებ ახალი დეტალები გახდა ცნობილი. კომპანიამ კაპიტალის მოზიდვის პროცესის დასაწყებად საჭირო დოკუმენტაცია აშშ-ის ფასიანი ქაღალდებისა და ბირჟების კომისიაში (SEC) გასულ წელს წარადგინა. Bloomberg-ის ოთხშაბათის ანგარიშის თანახმად, ფონდის მიზნობრივი მოცულობა მინიმუმ 2.5 მილიარდ დოლარს შეადგენს.მოზიდული კაპიტალის ნაწილი უკვე დარეზერვებულია კომპანია SpaceX-ში შემდგომი ინვესტიციების განსახორციელებლად. ეს გადაწყვეტილება მოულოდნელი არ არის, რადგან საინვესტიციო ფირმა და მისი დამფუძნებელი, ანტონიო გრასიასი, ილონ მასკის პროექტების დიდი ხნის მხარდამჭერები არიან. Bloomberg-ის მონაცემებით, Valor Equity Partners-ი SpaceX-ის აქციების დაახლოებით 4%-ს ფლობს, რომელმაც ცოტა ხნის წინ საჯარო ბაზრებზე დებიუტი შეასრულა.მიუხედავად იმისა, რომ ახალი ფონდის ზუსტი საინვესტიციო თეზისი ჯერჯერობით ბოლომდე ნათელი არ არის, წარსული გამოცდილება გარკვეულ მინიშნებებს იძლევა. მასკის პროექტების გარდა, Valor-ს ინვესტიციები განხორციელებული აქვს სამხედრო ტექნოლოგიების მწარმოებელ კომპანია Anduril-სა და პლატფორმა Reddit-ში.როგორც Bloomberg-ი აღნიშნავს, Valor-ის ფონდები, როგორც წესი, ორიენტირებულია კომპანიების მასშტაბირებაზე, განსაკუთრებით ზრდის (growth stage) ეტაპზე. თუმცა, ფირმას ადრეულ ეტაპზე მყოფი სტარტაპების მხარდასაჭერადაც აქვს კაპიტალი მოზიდული. Valor-მა მეექვსე ფონდის (Fund VI) დახურვის შესახებ 2024 წელს გამოაცხადა; მაშინ ფონდის მოცულობამ 2.35 მილიარდი დოლარი შეადგინა და მისი ძირითადი ფოკუსი საოპერაციო ზრდაში ინვესტირება იყო.