Cerebras-ის ხელმძღვანელი: ახლოვდება მომავალი, როდესაც პერსონალური ხელოვნური ინტელექტი ყველა ოჯახში იქნება

Cerebras Systems-ის თანადამფუძნებელი და აღმასრულებელი დირექტორი, ენდრიუ ფელდმანი მიიჩნევს, რომ ახლოვდება დრო, როდესაც ხელოვნური ინტელექტის (AI) მოწყობილობა ყველა ადამიანის სახლში განთავსდება. მისი თქმით, სამომხმარებლო AI აგენტების განვითარება, როგორიცაა Meta-ს Muse და სტარტაპი Instinct (რომლის ღირებულებაც უკვე 10 მილიარდ დოლარს აღწევს), ნათელი მაგალითია იმისა, თუ როგორ იმკვიდრებს ხელოვნური ინტელექტი ადგილს ყოველდღიურ ცხოვრებაში.რაც შეეხება სახლის პირობებში გამოსაყენებელ ხელოვნურ ინტელექტს, ფელდმანი პროგნოზირებს, რომ პერსონალური ასისტენტები ლოკალურად იმუშავებენ. მობილური ტელეფონების მსგავსად, ისინი დავალებების ნაწილს უშუალოდ მოწყობილობაზე შეასრულებენ, ნაწილს კი — „ღრუბლოვანი“ (cloud) სერვისების მეშვეობით.ფელდმანის განმარტებით, ეს ასისტენტები მომხმარებელს ძალიან კარგად შეისწავლიან, თუმცა მათ გარშემო უსაფრთხოების მკაცრი პერიმეტრი იქნება დაცული. ამასთანავე, მათ ექნებათ წვდომა საკრედიტო ბარათებზე და შეძლებენ მომხმარებლის ნაცვლად სხვადასხვა ნივთის შეძენას. მისი აზრით, ეს ტექნოლოგია მნიშვნელოვან გავლენას მოახდენს ადამიანების ცხოვრების ხარისხის გაუმჯობესებაზე.AI ჩიპების მწარმოებელი კომპანიისთვის სახლის AI მოწყობილობების ხედვა ან აგენტური ტექნოლოგიების ფართო გავრცელება, რა თქმა უნდა, მიმზიდველი პერსპექტივაა. თუმცა, ფელდმანი მხოლოდ აპარატურულ ინფრასტრუქტურაზე არ მუშაობს; ის თავადაც აქტიურად იყენებს პერსონალურ ხელოვნურ ინტელექტს. იგი აღნიშნავს, რომ ამჟამად „აგენტების კრებულს“ იყენებს კალენდრის მოსაწესრიგებლად, იმ ადამიანების შესახებ ინფორმაციის მოსაძიებლად, ვისთანაც ზარები აქვს დაგეგმილი და სხვა მსგავსი ამოცანებისთვის.მიუხედავად იმისა, რომ ხელოვნური ინტელექტი უკვე ასრულებს ბევრ ისეთ საქმეს, რასაც ადრე ადამიანები მექანიკურად აკეთებდნენ, ფელდმანი ყველაზე მეტად ახალი შესაძლებლობებითაა დაინტერესებული — იმით, რაც აქამდე შეუძლებელი იყო. თუმცა, კონკრეტულად რა იქნება ეს შესაძლებლობები, ამის გარკვევას სხვა დამფუძნებლებს უტოვებს. მისი თქმით, ინფრასტრუქტურის სფეროში ყოფნა სწორედ იმიტომ მოსწონს, რომ არ სჭირდება უშუალოდ მომხმარებელზე ორიენტირებული იდეების მოფიქრება; მას ურჩევნია შექმნას პლატფორმები, რომლებზეც სხვა ადამიანების იდეები „ფრთებს შეისხამენ“.