ChatGPT ილონ მასკის Grokipedia-დან ინფორმაციას იღებს

ილონ მასკის კომპანია xAI-ის მიერ შექმნილი კონსერვატიული ხაზის მქონე, ხელოვნური ინტელექტის მიერ გენერირებული ენციკლოპედიის — Grokipedia-ს ინფორმაცია ChatGPT-ის პასუხებში გამოჩნდა. მასკმა Grokipedia ოქტომბერში მას შემდეგ გაუშვა, რაც Wikipedia-ს კონსერვატორების მიმართ მიკერძოებულობაში დასდო ბრალი.რეპორტიორებმა მალევე შენიშნეს, რომ მიუხედავად იმისა, რომ ბევრი სტატია პირდაპირ Wikipedia-დან იყო კოპირებული, Grokipedia ასევე შეიცავდა საკამათო მტკიცებებს. მაგალითად, პლატფორმა ამტკიცებდა, რომ პორნოგრაფიამ ხელი შეუწყო შიდსის კრიზისს, გვთავაზობდა მონობის „იდეოლოგიურ გამართლებას“ და იყენებდა დამამცირებელ ტერმინებს ტრანსგენდერი ადამიანების მიმართ.ასეთი შინაარსი მოსალოდნელიც იყო ენციკლოპედიისთვის, რომელიც დაკავშირებულია ჩატბოტთან, რომელმაც საკუთარ თავს „Mecha Hitler“ უწოდა და გამოიყენებოდა X-ის სექსუალური ხასიათის ე.წ. „deepfake“ ფოტოებით ასავსებად. თუმცა, ახლა ეს კონტენტი მასკის ეკოსისტემის ფარგლებს გარეთაც ვრცელდება.The Guardian-ის ინფორმაციით, GPT-5.2-მა ათზე მეტ სხვადასხვა კითხვაზე პასუხისას Grokipedia ცხრაჯერ დაამოწმა. გამოცემა აღნიშნავს, რომ ChatGPT არ იყენებდა Grokipedia-ს იმ თემებზე საუბრისას, სადაც ამ უკანასკნელის უზუსტობები ფართოდ იყო გაშუქებული — მაგალითად, 6 იანვრის კაპიტოლიუმზე თავდასხმის ან აივ/შიდსის ეპიდემიის შესახებ.

ამის ნაცვლად, წყარო მითითებული იყო უფრო ნაკლებად ცნობილ თემებზე, მათ შორის სერ რიჩარდ ევანსის შესახებ არსებულ მტკიცებებზე, რომლებიც The Guardian-მა მანამდე უკვე უარყო. აღსანიშნავია, რომ Anthropic-ის ჩატბოტი Claude-იც იყენებს Grokipedia-ს ზოგიერთ კითხვაზე პასუხის გასაცემად.OpenAI-ის წარმომადგენელმა The Guardian-თან საუბრისას განაცხადა, რომ კომპანია „მიზნად ისახავს ინფორმაციის მოპოვებას საჯაროდ ხელმისაწვდომი წყაროებისა და მოსაზრებების ფართო სპექტრიდან“.