Google-მა მუსიკის გენერირების ახალი მოდელი Lyria 3 Pro წარადგინა

Google-მა ოთხშაბათს მუსიკის გენერირების ახალი მოდელი, Lyria 3 Pro დააანონსა. ეს სიახლე Lyria 3-ის გამოსვლიდან სულ რაღაც ერთი თვის შემდეგ გახდა ცნობილი. წინა ვერსიისგან განსხვავებით, რომელიც მხოლოდ 30-წამიან კომპოზიციებს ქმნიდა, ახალი მოდელი მომხმარებლებს სამ წუთამდე ხანგრძლივობის ტრეკების გენერირების საშუალებას აძლევს.კომპანიის განცხადებით, ხანგრძლივობის გაზრდის გარდა, Lyria 3 Pro უკეთეს კრეატიულ კონტროლსა და პერსონალიზაციის შესაძლებლობებს სთავაზობს მომხმარებლებს. მოდელს მუსიკალური ნაწარმოების სტრუქტურა ბევრად უკეთ ესმის, ვიდრე მის წინამორბედს, რაც საშუალებას იძლევა ტექსტურ მითითებებში (prompt) დაკონკრეტდეს ისეთი ელემენტები, როგორიცაა შესავალი (intro), კუპლეტი (verse), მისამღერი (chorus) და გარდამავალი ნაწილი (bridge).Google მუსიკის გენერირების ფუნქციას კორპორატიულ ინსტრუმენტებშიც ამატებს. Lyria 3 Pro მოდელი ხელმისაწვდომი იქნება Vertex AI-ში (საჯარო პრევიუ რეჟიმში), Gemini API-სა და AI Studio-ში. კომპანიამ ხაზგასმით აღნიშნა, რომ მოდელის მოსამზადებლად გამოყენებულია პარტნიორებისგან მიღებული მონაცემები, ასევე YouTube-სა და Google-ის ხელთ არსებული ნებადართული ინფორმაცია.კომპანიის განმარტებით, მოდელი არ ახდენს კონკრეტული შემსრულებლების იმიტაციას. თუმცა, თუ მომხმარებელი მითითებაში კონკრეტულ არტისტს ახსენებს, სისტემა მისგან „ზოგად შთაგონებას“ აიღებს კომპოზიციის შესაქმნელად. Lyria 3-ითა და Lyria 3 Pro-თი შექმნილი ყველა ტრეკი SynthID ტექნოლოგიით მოინიშნება, რათა ნათელი იყოს, რომ მუსიკა ხელოვნური ინტელექტის მიერაა გენერირებული.ინდუსტრიაში არსებულ სხვა სიახლეებს რაც შეეხება, ამავე კვირაში Spotify-მ ახალი ხელსაწყოები წარადგინა, რომლებიც არტისტებს საშუალებას აძლევს გადახედონ მათ სახელს მიწერილ სიმღერებს, რათა თავიდან აიცილონ AI-ს მიერ შექმნილი დაბალი ხარისხის კონტენტის მცდარი ატრიბუცია. პარალელურად, Deezer-მა გამოუშვა ინსტრუმენტები, რომლებიც ნებისმიერ სტრიმინგ სერვისს ხელოვნური ინტელექტის მიერ გენერირებული მუსიკის იდენტიფიცირებაში დაეხმარება.