იქნება თუ არა HomeView Apple-ის პირველი წარმატება ჭკვიანი სახლის ტექნოლოგიებში?

Bloomberg-ის ჟურნალისტის, მარკ გურმანის ინფორმაციით, Apple სამშაბათს ჭკვიანი სახლის ახალ ჰაბს, სახელწოდებით HomeView-ს წარადგენს. ბოლო რამდენიმე წლის განმავლობაში ვრცელდებოდა არაერთი ცნობა იმის შესახებ, რომ კომპანია ჭკვიანი სახლის ახალ პროდუქტზე მუშაობდა, ახლა კი, როგორც ჩანს, მოწყობილობას უკვე აქვს კონკრეტული სახელი და პრეზენტაციის თარიღი.გურმანის აღწერით, HomeView არის Siri-ს მხარდაჭერის მქონე მოწყობილობა, რომელიც აღჭურვილია დისპლეითა და მძლავრი A18 ჩიპით. აღნიშნული ჰაბი მომხმარებლებს სხვადასხვა ჭკვიანი მოწყობილობის ცენტრალიზებული მართვის საშუალებას მისცემს. გავრცელებული ინფორმაციით, HomeView ორ მოდელად იქნება წარმოდგენილი: ერთი განკუთვნილია მაგიდის ზედაპირისთვის, ხოლო მეორე — კედელზე დასამონტაჟებლად.ეს პროექტი Apple-ის ყველაზე ამბიციური მცდელობაა ჭკვიანი სახლის ინდუსტრიაში მას შემდეგ, რაც კომპანიამ ვერ შეძლო მნიშვნელოვანი წილის მოპოვება HomeKit-ის პროგრამული პლატფორმითა თუ HomePod-ის ჭკვიანი დინამიკით. HomeView-ს გამოჩენა მიანიშნებს იმაზე, რომ ტექნოლოგიური გიგანტი ამ მიმართულებით სტრატეგიას ცვლის და ბაზარზე უფრო სერიოზულ პოზიციონირებას გეგმავს.გარდა ახალი ჰაბისა, მარკ გურმანი იტყობინება, რომ სამშაბათს Apple ასევე წარადგენს ორი სხვა მოწყობილობის — Apple TV-სა და HomePod mini-ს განახლებულ ვერსიებს. კვირის დასაწყისშივე გაჟღერდა ინფორმაცია, რომ Apple გეგმავს პარტნიორობას LG-სთან, რათა ერთობლივად შექმნან ჭკვიანი საკეტი, თერმოსტატი და კარის ზარი.