SpaceX-ი 1 მილიონი მზის ენერგიაზე მომუშავე თანამგზავრული მონაცემთა ცენტრის გაშვებაზე ფედერალურ ნებართვას ითხოვს

SpaceX-მა ფედერალური კავშირგაბმულობის კომისიას (FCC) წარუდგინა განაცხადი 1 მილიონამდე მზის ენერგიაზე მომუშავე თანამგზავრისგან შემდგარი თანავარსკვლავედის გაშვების შესახებ. კომპანიის განმარტებით, აღნიშნული თანამგზავრები ხელოვნური ინტელექტისთვის განკუთვნილი მონაცემთა ცენტრების ფუნქციას შეასრულებს.კომპანიის განაცხადში წარმოდგენილია გრანდიოზული ხედვა, სადაც დაგეგმილი თანამგზავრები აღწერილია არა მხოლოდ როგორც „ყველაზე ეფექტური გზა ხელოვნური ინტელექტის გამოთვლით სიმძლავრეებზე მზარდი მოთხოვნის დასაკმაყოფილებლად“, არამედ როგორც „პირველი ნაბიჯი კარდაშევის II დონის ცივილიზაციად ჩამოყალიბებისკენ — ცივილიზაციისა, რომელსაც მზის სრული ენერგიის ათვისება შეუძლია“. ამასთანავე, პროექტი განიხილება, როგორც „ვარსკვლავებს შორის კაცობრიობის მრავალპლანეტარული მომავლის უზრუნველყოფის საშუალება“.გამოცემა The Verge-ის მოსაზრებით, ნაკლებად სავარაუდოა, რომ 1 მილიონი თანამგზავრის გაშვების მოთხოვნა პირდაპირ და სრულად დაკმაყოფილდეს. სავარაუდოდ, ეს ციფრი მოლაპარაკებების საწყის წერტილად გამოიყენება. ცოტა ხნის წინ FCC-მ SpaceX-ს დამატებითი 7,500 Starlink-ის თანამგზავრის გაშვების უფლება მისცა, თუმცა განაცხადა, რომ „გადაავადებდა ავტორიზაციას დარჩენილ 14,988“ შეთავაზებულ თანამგზავრზე.ევროპის კოსმოსური სააგენტოს მონაცემებით, ამჟამად დედამიწის ორბიტაზე დაახლოებით 15,000 ხელოვნური თანამგზავრი იმყოფება, რაც უკვე ქმნის გარკვეულ პრობლემებს დაბინძურებისა და კოსმოსური ნარჩენების თვალსაზრისით. აღნიშნული განაცხადის პარალელურად, კომპანია Amazon-ი, რაკეტების დეფიციტის მიზეზით, FCC-სგან ვადის გაგრძელებას ითხოვს, რათა ორბიტაზე 1,600-ზე მეტი თანამგზავრის განთავსება მოასწროს.ამავდროულად, ვრცელდება ინფორმაცია, რომ SpaceX-ი საჯარო კომპანიად გარდაქმნამდე ილონ მასკის სხვა კომპანიებთან — Tesla-სა და xAI-სთან (რომელიც უკვე შეუერთდა X-ს) — შესაძლო შერწყმის საკითხს განიხილავს.