მიმდინარე წლის იანვარში სან-ფრანცისკოში უჩვეულო შემთხვევა მოხდა: მძარცველმა იოგას ტანსაცმლის მოსაპარად Waymo-ს თვითმართვადი ავტომობილი გამოიყენა. მიუხედავად იმისა, რომ რობოტაქსები ხშირად აღიქმება, როგორც „მოძრავი სათვალთვალო კამერები“, პოლიციამ ეჭვმიტანილის დაკავება დღემდე ვერ შეძლო.
გამოცემა San Francisco Chronicle-ის მიერ გავრცელებული ინფორმაცია ნათელს ჰფენს იმას, თუ როგორ მართავს კომპანია Waymo თავისი ავტომობილების მიერ გადაღებულ ვიდეომასალას. მიუხედავად იმისა, რომ Waymo მართლაც აფიქსირებს და ინახავს მგზავრობის ამსახველ კადრებს, ზუსტად ცნობილი არ არის, თუ რა ვადით ხდება ამ მონაცემების შენახვა.
მონაცემთა შენახვისა და კონფიდენციალურობის პრობლემა
მოხსენების თანახმად, აპრილისთვის, როდესაც ჩხრეკის ორდერი ოფიციალურად გაიცა, საჭირო ვიდეომასალა უკვე წაშლილი იყო. კიდევ უფრო საინტერესოა ის გარემოება, რომ პოლიციამ ვერ შეძლო მძარცველის იდენტიფიცირება ავტომობილის გარე კამერების მეშვეობითაც, რადგან კადრები „კონფიდენციალურობის დაცვის მიზნით“ დაფარული (დაბლარული) აღმოჩნდა.
გამოძიებას ვერც Waymo-ს ანგარიშის მონაცემებმა დაეხმარა. იოგას სტუდიის, Hot 8 Yoga-ს საკუთარი სათვალთვალო კამერების ჩანაწერებიდან ირკვევა, რომ მძარცველი რობოტაქსით მივიდა დაწესებულებასთან, შევიდა შენობაში, აიღო ტანსაცმელი და კვლავ თვითმართვად ავტომობილში ჩაჯდა. თუმცა, Chronicle-ის ინფორმაციით, Waymo-ს მიერ პოლიციისთვის გადაცემულმა ინფორმაციამ სამართალდამცველები ეჭვმიტანილამდე ვერ მიიყვანა.
