Rivian-ის ახალი R2 SUV-ის მიწოდება 9 ივნისიდან დაიწყება

Rivian-მა ოფიციალურად დაადასტურა, რომ კომპანიის ახალი R2 მოდელის SUV-ის პირველი მფლობელები ავტომობილებს 9 ივნისს მიიღებენ. ავტომწარმოებელმა ბოლო რამდენიმე თვე R2-ის წარმოების ტემპის გაზრდას დაუთმო. ეს მოდელი უფრო ხელმისაწვდომია და გათვლილია ბაზრის უფრო ფართო სეგმენტზე, ვიდრე კომპანიის ამჟამინდელი R1 სერია.ახალი SUV თავდაპირველად ხელმისაწვდომი იქნება იმ კომპლექტაციით, რომლის ფასიც 60,000 დოლარზე ოდნავ ნაკლებია. თუმცა, Rivian-მა უკვე დააანონსა გეგმები „სტანდარტული“ ვერსიის გამოშვების შესახებ, რომლის ღირებულება 2027 წლიდან 48,490 დოლარიდან დაიწყება. გარდა ამისა, მომავალი წლის ბოლოსთვის იგეგმება კიდევ უფრო ბიუჯეტური ვერსიის გამოჩენა, რომლის საწყისი ფასი დაახლოებით 45,000 დოლარი იქნება — ეს ის ფასია, რომელსაც Rivian 2024 წელს R2-ის პრეზენტაციის შემდეგ აქტიურად უწევდა პოპულარიზაციას.Rivian-ს R2-თან დაკავშირებით ძალიან მაღალი მოლოდინები აქვს. კომპანიის დამფუძნებელმა და აღმასრულებელმა დირექტორმა, არჯეი სკარინჯმა აღნიშნა, რომ ეს მოდელი „შესაძლოა ყველაზე მნიშვნელოვანი პროდუქტია, რომელიც კომპანიას დღემდე გამოუშვია“. კომპანია წარმოების პროცესის უკიდურესად სწრაფ ზრდას გეგმავს და მიზნად ისახავს მიმდინარე წლის ბოლომდე 25,000 ავტომობილის მიწოდებას.საბოლოო ჯამში, Rivian იმედოვნებს, რომ R2 და მისი „დაძმობილებული“ ჰეჩბეკი R3 დაეხმარება კომპანიას, 2009 წელს დაარსების შემდეგ პირველად გახდეს მომგებიანი.